COW BOY TUNISIEN

Hold up made in tunisia

اسمع ياللي تسمع بانكة تسرقت في تونس في النهار والقايلة وفي قلب العاصمة تونس

شارع الحبيب بورقيبة أكثر منطقة امنية في العالم يتسرق فيها بنك Banque de Tunisie باستعمال السلاح ( مسدس )

زوز شباب وقفوا قدام البنك ولاحظ عون امن موجود بالمكان أن وقفة الشابين مريبة

اقترب منهم وقاللهم:

- اتفضل عندك حاجة

جاوبو واحد منهم :

- لا نستنى في صاحبي

واحد منهم واصل الحديث مع العون والاخر دخل للبنك وتوجه للكاسة وأشهر سلاحه في وجه عون القباضة مطلقا رصاصتين في الهوى

واتصور عاد أش كانت ردود فعل الحاضرين اللي لبد واللي تمد في الأرض واللي لصق الحيط

وطلب من عون القباضة باش يعطيه لفة الفلوس اللي كانت في يده

32 ألف يورو يعني قرابة الـ50 مليون تونسية

وانسحب ولاذ بالفرار هو وصاحبه

بعد ما اتخذت جات الشرطة وبدأت ي التحقيقات

ومازال أصحاب العملة في حالة فرار

Hold up made in tunisia

الإعلام التونسي بطبيعة الحال سكت على الحدث بل وصدرت اوامر للصحافيين كي لا يكتبوا عن ذلك حفاظا على سمعة بلد الأمن والأمان، بلد نسبة الجرائم فيه لا تتعدى 0.013 % تماما كنسبة البطالة ونسبة التضخم المالي