القيادة النقابية ضد إضراب الجوع

بعض الاتحادات الجهوية رفضوا تعليق لافتة مكتوب عليها خبر على إضراب الجوع متاع لولاد الثلاثة محمد وعلي ومعز كيما مدنين وباجة وسليانة.

اتضح اللي ها الاتحادات تلقاو تعليمات من الامين العام بالنيابة علي رمضان

البعض منهم جاتو صعيبة باش ما يعلقش اللافتة وتساءل على السبب ، جاوبو سي علي وقال له بالحرف الواحد، إحنا ما عناش إضراب جوع في الاتحاد

ياخي قالو الاتحاد الجهوي : " ماله هاكم عطيتوهم لقاء جهات على الحكاية هذه بالذات؟ "

جاوبو سي علي وقال : " لا أنا ما وافقت على لقاء الجهات وما صححت على المصاريف إلا على خاطر الشاذلي وعدنا باش في ها اللقاء يقع الاعلان على حل الاضراب وغلق ها الملف "

واتضح هكة اللي القيادة ماهيش موافقة على الاضراب والدليل هذا الكلام اللي هو رسمي في رسمي وخبر متأكد موش إشاعة، والدليل أيضا أنه علي رمضان وعبد السلام جراد إلى حد الآن ما زاروش المضربين، والدليل أيضا أن القيادة متغششة على الاتحاد الجهوي متاع تونس كيفاش يهز تلفزة لمقر المضربين والأدلة كثيرة توة نرجعو ليها مرة أخرى.

مفهوم علاش بعض الاتحادات الجهوي ما علقتش لافتة الاضراب