جوعوا كي لا تجوعوا

إضراب الجوع اختصاص تونسي كيما تقول الهريسة والا الكسكسي والا اللون الأزرق متاع سيدي بوسعيد والا الشاشية التونسية والا برشة حاجات

إضراب الجوع دخل منذ سنوات في قائمة الأشياء والمميزات اللي يختصو بيها التوانسة، وبالتحديد شكل نضال صار معروف كاختصاص تونسي وما عادش فقط متاع المعارضين السياسيين اللي ما يلقاوش طريقة للاحتجاج كان اضراب الجوع، بل ولّى شكل نضال اجتماعي، معناها طريقة نضال للاحتجاج على الطرد من العمل، على غلق المؤسسة وتسريح العمال، للاحتجاج على الاكتاف في الانتداب وهذه مشطرة

هاو شباب الرديف يحتج في اضراب جوع جماعي من أجل حق الشغل

وسمعت اللي حركة الاضراب باش تمتد للمتلوي وام العرايس على خاطر الانتداب في شركة الفسفاط العام هذا وعدوهم باش ينتدبوا 40 لكن بعد ما قبلو كان 21 وكلهم أولاد سي فلان وسي فلان ولعبت فيها حكايات الحزب والرشوة والأفاريات المعروفة

هاو نص نداء المضربين في الرديف

نــداء

الرديف في 06/01/2008

نحن المذكورون أسفله و نضرا لحالاتنا الاجتماعية و المادية الصعبة و ما عانيناه و نعانيه من وعود كاذبة و غير مجدية و ما نراه من التفرقة في توزيع مواطن الشغل.
نعلن نحن دخولنا في إضراب جوع مفتوح حتى معالجة أوضاعنا و حصولنا على شغل يضمن لنا العيش الكريم حسب ما نص عليه الدستور التونسي بمقر الأثحاد المحلي للشغل بالرديف.

عبد لله فجرواي
عصام ماجدي
عبد السلام هلالي
وهبي بوعوني5
مكرم بوعوني
سفيان بويحي
علي فجرواي
علي عليمي
فوزي فجراوي
محمد فرج زنيدي
عامر بن عمار جديدي
فرحات بويحي
ميلود خير الدين
ضياء الحق نمسي
سامي عميدي