قررت القيادة النقابية الاحتفال بعيد العمال يةم 1 ماي في الشالي التابع لنزل أميلكار le chalet على خاطر العمال التوانسة ناس متخضرين ومتفرهدين وما يحبوش الاحتفالات متاع الديفيليات défilés في الشوارع اللس كانوا الخدامة التوانسة يعملوها نهار العيد متاعهم واللس مازالوا الخدامة في برشة بلدان يعملوها لتو
القيادة عملا بنظرتها الخاصة للعمل النقابي وللاحتفالات بالاعياد النقابية هربت بالاحتقالات هذا العام بين 4 حيوط وفي أميلكار باش اللي ما عندوش فاش يجي يرتاح واللي يحب يطلع في الكيران اللي باش تسخرها القيادة على غرار ما يعملو الشعب وقتها هذاك لازم يكون من الناس اللي راضية عليهم القيادة si non يشد دارو
القيادة خايفة لا الاحتفال يفشل وهي تعرف اللي عندها مشاكل مع برشة ناس، اللس عداتهم على لجنة النظام واللي تمنع فيهم من دخول ديار الاتحاد واللي دبرت ضدهم انقلابات واللي... واللي.... هاذم الكل يستناو في نهار العيد باش يعيدوا ويعيطوا ويعرقوها للقيادة اللي في مثل ها المناسبات تظهر على حقيقتها ويبان حجم تأثيرها في الخدامة وتسمع ما تكره
عاد القيادة حفظا لماء الوجه وباش ما يطيحش قدرها وما تعطيش فرصة للمشاغبين باش يعملولها كيما عملو في توزر هاك العام قررت السنا العروب بالحتفال في الشالي ن في الذخامات ، في نزل 4 نجوم، على الشط ....
لكن اللس يحسب وحدو يفضلوا
ثمة مفاجآت في الطريق
خلي توة نحكيلكم عليها مرة أخرى
لكن أكيد قبل نهار غرة ماي
1 commentaire:
تحية حمراء.....لعمال تونس
Enregistrer un commentaire